कालीमाटीमा तरकारीको भाउमा उतारचढाव, केही सस्तो त केही महँगियो (मूल्यसूची)

काठमाडौँ । कालीमाटी फलफूल तथा तरकारी बजार विकास समिति ले आजका लागि कृषि उपजहरूको थोक मूल्य सार्वजनिक गरेको छ।

आज बजारमा केही तरकारीको मूल्य घटेको देखिएको छ भने कतिपयको भाउ बढेको छ। केही वस्तु भने अघिल्लो दिनकै मूल्यमा किनबेच भइरहेको समितिले जनाएको छ।

आज ठूलो भारतीय गोलभेँडा प्रतिकिलो ७० रुपैयाँमा कारोबार भइरहेको छ भने सानो लोकल गोलभेँडा ३० रुपैयाँ पुगेको छ। रातो आलु १७ र भारतीय आलु २१ रुपैयाँमै स्थिर छन्। भारतीय सुकेको प्याज ३५ रुपैयाँ, तराईको गाँजर २० रुपैयाँ र लोकल बन्दा २३ रुपैयाँमा किनबेच भइरहेको छ।

यस्तै स्थानीय काउली ५५ रुपैयाँ, लाम्चो भन्टा ५५ रुपैयाँ, डल्ले भन्टा ६५ रुपैयाँ र लोकल मुला १७ रुपैयाँ प्रतिकिलो कायम भएको छ।

हरियो तरकारीतर्फ तनेबोडी ११० रुपैयाँ, करेला १५० रुपैयाँ, लौका ६२ रुपैयाँ र घिरौँला ९० रुपैयाँ पुगेको छ। हरियो फर्सी २५ रुपैयाँ र पाकेको फर्सी ५५ रुपैयाँमा कारोबार भइरहेकोछ ।

भिन्डी ११० रुपैयाँ, कन्य च्याउ १२० रुपैयाँ, डल्ले च्याउ ३२५ रुपैयाँ र सिताके च्याउ ९०० रुपैयाँ कायम छ । यस्तै कुरिलो ४५० रुपैयाँ, न्यूरो ७५ रुपैयाँ र ब्रोकाउली ६२ रुपैयाँ प्रतिकिलोमा बिक्री भइरहेकोछ ।

हिजोको तुलनामा सानो लोकल गोलभेँडा, गाँजर, तनेबोडी, करेला, लौका, घिरौँला र भिन्डीको भाउ बढेको छ भने काउली, बन्दा र ब्रोकाउलीको मूल्य घटेको देखिएको छ। अन्य वस्तु भने स्थिर रहेका छन् ।

कालीमाटी फलफूल तथा तरकारी बजार विकास समिति

आजको तरकारी तथा फलफूल थोक मूल्यसूची