पेट्रोलियम पदार्थमा फेरि भारी मूल्यवृद्धि, प्रतिलिटर १५ रुपैयाँ बढ्यो (मूल्यसूचीसहित)

काठमाडौँ । नेपाल आयल निगमले पेट्रोलियम पदार्थको मूल्य पुनः वृद्धि गरेको छ। निगमले विज्ञप्ति जारी गर्दै पेट्रोल, डिजेल र मट्टीतेलमा प्रतिलिटर १५ रुपैयाँका दरले मूल्य बढाइएको जानकारी दिएको हो।

नयाँ मूल्य समायोजनसँगै पेट्रोल, डिजेल तथा मट्टीतेलको खुद्रा बिक्री मूल्य उल्लेख्य रूपमा महँगिएको छ, जसको प्रत्यक्ष असर सर्वसाधारण उपभोक्ता र यातायात क्षेत्रमा पर्ने देखिएको छ। पछिल्लो समय अन्तर्राष्ट्रिय बजारमा कच्चा तेलको मूल्यमा भएको उतारचढावलाई आधार मान्दै मूल्य समायोजन गरिएको निगमले जनाएको छ।

मूल्यवृद्धिपछि ढुवानी खर्च बढ्ने भएकाले दैनिक उपभोग्य वस्तुहरूको मूल्यमा समेत प्रभाव पर्ने अनुमान गरिएको छ। विशेषगरी सार्वजनिक यातायात, निर्माण क्षेत्र तथा उद्योगधन्दामा यसको असर देखिन सक्ने व्यवसायीहरूले बताएका छन्।

यसअघि पनि निगमले पटक–पटक मूल्य समायोजन गर्दै आएको थियो। पछिल्लो वृद्धि सँगै उपभोक्तामाथि थप आर्थिक भार पर्ने भन्दै विभिन्न क्षेत्रबाट चिन्ता व्यक्त हुन थालेको छ।