विश्वकप लिग-२ सिरिजका लागि नेपाली टोली घोषणा, इशान पाण्डेको पुनरागमन

काठमाडौं । नेपाल क्रिकेट संघले आईसीसी विश्वकप लिग-२ अन्तर्गत आगामी सिरिजका लागि नेपाली राष्ट्रिय टोली घोषणा गरेको छ ।

रोहित पौडेलको कप्तानीमा घोषणा गरिएको १५ सदस्यीय टोलीमा इशान पाण्डे सात वर्षपछि राष्ट्रिय टोलीमा फर्किएका छन् । उनले यसअघि सन् २०१९ मा जिम्बाब्वे राष्ट्रिय क्रिकेट टोली विरुद्ध टी-२० अन्तर्राष्ट्रिय खेल खेलेका थिए । उक्त खेलमा उनले ८ बलमा ४ रन बनाएका थिए ।

हालै सम्पन्न प्रधानमन्त्री कप क्रिकेट प्रतियोगितामा उत्कृष्ट प्रदर्शन गरेका पाण्डेले नेपाल ‘ए’ टोलीबाट स्कटल्याण्ड राष्ट्रिय क्रिकेट टोली र अमेरिका राष्ट्रिय क्रिकेट टोली विरुद्ध पनि प्रभावशाली प्रदर्शन गरेका थिए ।

नेपाल, अमेरिका र स्कटल्याण्ड सम्मिलित सिरिज आगामी मे १२ देखि २२ सम्म काठमाडौंको टियु क्रिकेट मैदान मा सञ्चालन हुनेछ । यसअघि ओमान र यूएईविरुद्ध भएको सिरिजमा नेपालले चारमध्ये तीन खेल जितेको थियो ।

नेपाली टोली

रोहित पौडेल (कप्तान), दीपेन्द्र सिंह ऐरी (उपकप्तान), कुशल भुर्तेल, आरिफ शेख, भीम सार्की, आशिफ शेख, इशान पाण्डे, गुलशन झा, सोमपाल कामी, सन्दीप लामिछाने, ललित राजवंशी, विनोद भण्डारी, नन्दन यादव, अर्जुन कुमाल र करण केसी ।