काठमाडौं–१ मा रास्वपाकी रञ्जु न्यौपाने जित नजिक, ५८४८ मतान्तरले अग्रता

काठमाडौं । प्रतिनिधिसभा निर्वाचनअन्तर्गत काठमाडौं क्षेत्र नं. १ को मतगणना अन्तिम चरणमा पुगेको छ। पछिल्लो मतपरिणाम अनुसार रञ्जु न्यौपाने (दर्शना) करिब–करिब जितको नजिक पुगेकी छन्।

राष्ट्रिय स्वतन्त्र पार्टीकी उम्मेदवार न्यौपानेले ५ हजार ८४८ मतान्तरले अग्रता कायम गरेकी छन्। हालसम्म २० हजार ८ मत गणना हुँदा उनले १० हजार ५८१ मत प्राप्त गरेकी छन् ।

त्यस्तै नेपाली कांग्रेसका उम्मेदवार प्रबल थापा क्षेत्रीले ४ हजार ७३३ मत प्राप्त गरेका छन् । राष्ट्रिय प्रजातन्त्र पार्टीका रवीन्द्र मिश्रले २ हजार ७४४ मत ल्याएका छन् भने नेपाल कम्युनिष्ट पार्टी (एमाले)का मोहनराज रेग्मीले ८६५ मत पाएका छन् ।

मतगणना अन्तिम चरणमा पुगेकाले केही समयभित्रै अन्तिम परिणाम सार्वजनिक हुने अपेक्षा गरिएको छ ।