लेबनानमा इजरायली हवाई आक्रमण, मृतक संख्या ३९४ पुग्यो

लेबनानमा इजरायलले गरेको पछिल्लो हवाई आक्रमणका कारण मृत्यु हुनेको संख्या ३९४ पुगेको छ। लेबनानका स्वास्थ्यमन्त्री राकन नसरेद्दिनका अनुसार मृतकमध्ये ८३ बालबालिका र ४२ महिला रहेका छन्।

यस आक्रमणमा एक हजार १ सय ३० जना घाइते भएका छन्, जसमा २५४ बालबालिका र २७४ महिला रहेको जानकारी दिइएको छ। धेरैजसो आक्रमण आवासीय क्षेत्र तथा नागरिक संरचनालाई लक्षित गरी गरिएको आरोप लगाइएको छ।

दक्षिणी र पूर्वी लेबनानमा पछिल्ला ४८ घण्टामा सबैभन्दा बढी क्षति भएको बताइएको छ। बेका उपत्यकामा भएको एउटा आक्रमणमा एउटै परिवारका छ जना सदस्यको मृत्यु भएको छ। उद्धारमा खटिएका स्वास्थ्यकर्मीहरू समेत आक्रमणको जोखिममा परेको स्वास्थ्य मन्त्रालयले जनाएको छ।