गृहमन्त्री अर्याललाई राष्ट्रिय सभा सदस्य बनाउन सरकारको सिफारिस

काठमाडौं । सरकारले गृहमन्त्री ओमप्रकाश अर्याललाई राष्ट्रिय सभा सदस्यमा नियुक्त गर्न राष्ट्रपतिसमक्ष सिफारिस गर्ने निर्णय गरेको छ।

आइतबार बसेको मन्त्रिपरिषद् बैठकले अर्याललाई राष्ट्रिय सभामा मनोनीत सदस्यका रूपमा नियुक्त गर्न राष्ट्रपति रामचन्द्र पौडेलसमक्ष सिफारिस गर्ने निर्णय गरेको हो।

राष्ट्रिय सभामा राष्ट्रपतिबाट मनोनीत हुने एक सदस्यको पद अहिले रिक्त रहेको छ। सोही स्थानमा अर्याललाई नियुक्तिका लागि सरकारको तर्फबाट सिफारिस गरिएको जनाइएको छ।