सुनको मूल्य बढ्यो, चाँदी घट्यो

सोमबार सुनको मूल्य सामान्य रूपमा बढ्दा चाँदीको मूल्य भने घटेको छ।

नेपाल सुनचाँदी व्यवसायी महासंघका अनुसार सुनको मूल्य प्रतितोला १ सय रुपैयाँले बढेर ३ लाख ९ हजार ५ सय रुपैयाँ पुगेको छ। अघिल्लो दिन सुनको मूल्य ३ लाख ९ हजार ४ सय रुपैयाँ थियो।

पछिल्लो डेढ महिनामा भने सुनको मूल्य प्रतितोला करिब ३० हजार रुपैयाँले घटेको छ। माघ १५ गते सुन प्रतितोला ३ लाख ३९ हजार ३ सय रुपैयाँ पुगेर हालसम्मकै उच्च मूल्य कायम भएको थियो।

त्यस्तै चाँदीको मूल्य प्रतितोला ५ रुपैयाँले घटेर ५ हजार २६५ रुपैयाँ कायम भएको छ।